श्रवण Śravaṇa · HearStep 3 of /3
Viṣṇu Sahasranāma · Mahābhārata, Anuśāsana Parva 149
The phalaśruti, chanted
The closing verses, on the fruits of reciting the names, chanted in Sanskrit.
Phalaśruti 1 · The thousand names, told in full
इतीदं कीर्तनीयस्य केशवस्य महात्मनः ।
नाम्नां सहस्रं दिव्यानामशेषेण प्रकीर्तितम् ॥
itīdaṃ kīrtanīyasya keśavasya mahātmanaḥ |
nāmnāṃ sahasraṃ divyānām aśeṣeṇa prakīrtitam ||
Phalaśruti 2 · No harm will come
य इदं शृणुयान्नित्यं यश्चापि परिकीर्तयेत् ।
नाशुभं प्राप्नुयात्किञ्चित्सोऽमुत्रेह च मानवः ॥
ya idaṃ śṛṇuyān nityaṃ yaś cāpi parikīrtayet |
nāśubhaṃ prāpnuyāt kiñcit so 'mutreha ca mānavaḥ ||
Phalaśruti 3 · A blessing for everyone
वेदान्तगो ब्राह्मणः स्यात्क्षत्रियो विजयी भवेत् ।
वैश्यो धनसमृद्धः स्याच्छूद्रः सुखमवाप्नुयात् ॥
vedāntago brāhmaṇaḥ syāt kṣatriyo vijayī bhavet |
vaiśyo dhanasamṛddhaḥ syāc chūdraḥ sukham avāpnuyāt ||
Phalaśruti 4 · Each finds what he seeks
धर्मार्थी प्राप्नुयाद्धर्ममर्थार्थी चार्थमाप्नुयात् ।
कामानवाप्नुयात्कामी प्रजार्थी प्राप्नुयात्प्रजाम् ॥
dharmārthī prāpnuyād dharmam arthārthī cārtham āpnuyāt |
kāmān avāpnuyāt kāmī prajārthī prāpnuyāt prajām ||
Phalaśruti 5 · Rising each day with devotion
भक्तिमान् यः सदोत्थाय शुचिस्तद्गतमानसः ।
सहस्रं वासुदेवस्य नाम्नामेतत्प्रकीर्तयेत् ॥
bhaktimān yaḥ sadotthāya śucis tadgatamānasaḥ |
sahasraṃ vāsudevasya nāmnām etat prakīrtayet ||
Phalaśruti 6 · Renown, fortune, the highest good
यशः प्राप्नोति विपुलं ज्ञातिप्राधान्यमेव च ।
अचलां श्रियमाप्नोति श्रेयः प्राप्नोत्यनुत्तमम् ॥
yaśaḥ prāpnoti vipulaṃ jñātiprādhānyam eva ca |
acalāṃ śriyam āpnoti śreyaḥ prāpnoty anuttamam ||
Phalaśruti 7 · Fearless and radiant
न भयं क्वचिदाप्नोति वीर्यं तेजश्च विन्दति ।
भवत्यरोगो द्युतिमान्बलरूपगुणान्वितः ॥
na bhayaṃ kvacid āpnoti vīryaṃ tejaś ca vindati |
bhavaty arogo dyutimān balarūpaguṇānvitaḥ ||
Phalaśruti 8 · Freed from every trouble
रोगार्तो मुच्यते रोगाद्बद्धो मुच्येत बन्धनात् ।
भयान्मुच्येत भीतस्तु मुच्येतापन्न आपदः ॥
rogārto mucyate rogād baddho mucyeta bandhanāt |
bhayān mucyeta bhītas tu mucyetāpanna āpadaḥ ||
Phalaśruti 9 · Crossing every hardship
दुर्गाण्यतितरत्याशु पुरुषः पुरुषोत्तमम् ।
स्तुवन्नामसहस्रेण नित्यं भक्तिसमन्वितः ॥
durgāṇy atitaraty āśu puruṣaḥ puruṣottamam |
stuvan nāmasahasreṇa nityaṃ bhaktisamanvitaḥ ||
Phalaśruti 10 · Refuge in Vāsudeva
वासुदेवाश्रयो मर्त्यो वासुदेवपरायणः ।
सर्वपापविशुद्धात्मा याति ब्रह्म सनातनम् ॥
vāsudevāśrayo martyo vāsudevaparāyaṇaḥ |
sarvapāpaviśuddhātmā yāti brahma sanātanam ||
Phalaśruti 11 · No fear of birth or death
न वासुदेवभक्तानामशुभं विद्यते क्वचित् ।
जन्ममृत्युजराव्याधिभयं नैवोपजायते ॥
na vāsudevabhaktānām aśubhaṃ vidyate kvacit |
janmamṛtyujarāvyādhibhayaṃ naivopajāyate ||
Phalaśruti 12 · Joy, patience, memory
इमं स्तवमधीयानः श्रद्धाभक्तिसमन्वितः ।
युज्येतात्मसुखक्षान्तिश्रीधृतिस्मृतिकीर्तिभिः ॥
imaṃ stavam adhīyānaḥ śraddhābhaktisamanvitaḥ |
yujyetātmasukhakṣāntiśrīdhṛtismṛtikīrtibhiḥ ||
Phalaśruti 13 · No anger, no envy, no greed
न क्रोधो न च मात्सर्यं न लोभो नाशुभा मतिः ।
भवन्ति कृतपुण्यानां भक्तानां पुरुषोत्तमे ॥
na krodho na ca mātsaryaṃ na lobho nāśubhā matiḥ |
bhavanti kṛtapuṇyānāṃ bhaktānāṃ puruṣottame ||
Phalaśruti 14 · Held up by his power
द्यौः सचन्द्रार्कनक्षत्रा खं दिशो भूर्महोदधिः ।
वासुदेवस्य वीर्येण विधृतानि महात्मनः ॥
dyauḥ sacandrārkanakṣatrā khaṃ diśo bhūr mahodadhiḥ |
vāsudevasya vīryeṇa vidhṛtāni mahātmanaḥ ||
Phalaśruti 15 · The world in Kṛṣṇa's hands
ससुरासुरगन्धर्वं सयक्षोरगराक्षसम् ।
जगद्वशे वर्ततेदं कृष्णस्य सचराचरम् ॥
sasurāsuragandharvaṃ sayakṣoragarākṣasam |
jagad vaśe vartatedaṃ kṛṣṇasya sacarācaram ||
Phalaśruti 16 · Body and self are his
इन्द्रियाणि मनो बुद्धिः सत्त्वं तेजो बलं धृतिः ।
वासुदेवात्मकान्याहुः क्षेत्रं क्षेत्रज्ञ एव च ॥
indriyāṇi mano buddhiḥ sattvaṃ tejo balaṃ dhṛtiḥ |
vāsudevātmakāny āhuḥ kṣetraṃ kṣetrajña eva ca ||
Phalaśruti 17 · Right conduct comes first
सर्वागमानामाचारः प्रथमं परिकल्प्यते ।
आचारप्रभवो धर्मो धर्मस्य प्रभुरच्युतः ॥
sarvāgamānām ācāraḥ prathamaṃ parikalpyate |
ācāraprabhavo dharmo dharmasya prabhur acyutaḥ ||
Phalaśruti 18 · All from Nārāyaṇa
ऋषयः पितरो देवा महाभूतानि धातवः ।
जङ्गमाजङ्गमं चेदं जगन्नारायणोद्भवम् ॥
ṛṣayaḥ pitaro devā mahābhūtāni dhātavaḥ |
jaṅgamājaṅgamaṃ cedaṃ jagan nārāyaṇodbhavam ||
Phalaśruti 19 · All knowledge from Janārdana
योगो ज्ञानं तथा साङ्ख्यं विद्याः शिल्पादिकर्म च ।
वेदाः शास्त्राणि विज्ञानमेतत्सर्वं जनार्दनात् ॥
yogo jñānaṃ tathā sāṅkhyaṃ vidyāḥ śilpādikarma ca |
vedāḥ śāstrāṇi vijñānam etat sarvaṃ janārdanāt ||
Phalaśruti 20 · One Being, many beings
एको विष्णुर्महद्भूतं पृथग्भूतान्यनेकशः ।
त्रींल्लोकान्व्याप्य भूतात्मा भुङ्क्ते विश्वभुगव्ययः ॥
eko viṣṇur mahad bhūtaṃ pṛthag bhūtāny anekaśaḥ |
trīṃl lokān vyāpya bhūtātmā bhuṅkte viśvabhug avyayaḥ ||
Phalaśruti 21 · Proclaimed by Vyāsa
इमं स्तवं भगवतो विष्णोर्व्यासेन कीर्तितम् ।
पठेद्य इच्छेत्पुरुषः श्रेयः प्राप्तुं सुखानि च ॥
imaṃ stavaṃ bhagavato viṣṇor vyāsena kīrtitam |
paṭhed ya icchet puruṣaḥ śreyaḥ prāptuṃ sukhāni ca ||
Phalaśruti 22 · They never meet defeat
विश्वेश्वरमजं देवं जगतः प्रभुमव्ययम् ।
भजन्ति ये पुष्कराक्षं न ते यान्ति पराभवम् ॥
viśveśvaram ajaṃ devaṃ jagataḥ prabhum avyayam |
bhajanti ye puṣkarākṣaṃ na te yānti parābhavam ||
Phalaśruti 23 · Arjuna's prayer
पद्मपत्रविशालाक्ष पद्मनाभ सुरोत्तम ।
भक्तानामनुरक्तानां त्राता भव जनार्दन ॥
padmapatraviśālākṣa padmanābha surottama |
bhaktānām anuraktānāṃ trātā bhava janārdana ||
Phalaśruti 24 · One verse is enough
यो मां नामसहस्रेण स्तोतुमिच्छति पाण्डव ।
सोऽहमेकेन श्लोकेन स्तुत एव न संशयः ॥
yo māṃ nāmasahasreṇa stotum icchati pāṇḍava |
so 'ham ekena ślokena stuta eva na saṃśayaḥ ||
Phalaśruti 25 · Home of all beings
वासनाद्वासुदेवस्य वासितं भुवनत्रयम् ।
सर्वभूतनिवासोऽसि वासुदेव नमोऽस्तु ते ॥
vāsanād vāsudevasya vāsitaṃ bhuvanatrayam |
sarvabhūtanivāso 'si vāsudeva namo 'stu te ||
Phalaśruti 26 · Pārvatī asks for an easy way
केनोपायेन लघुना विष्णोर्नामसहस्रकम् ।
पठ्यते पण्डितैर्नित्यं श्रोतुमिच्छाम्यहं प्रभो ॥
kenopāyena laghunā viṣṇor nāmasahasrakam |
paṭhyate paṇḍitair nityaṃ śrotum icchāmy ahaṃ prabho ||
Phalaśruti 27 · The name of Rāma
श्रीरामरामरामेति रमे रामे मनोरमे ।
सहस्रनामतत्तुल्यं रामनाम वरानने ॥
śrīrāma rāma rāmeti rame rāme manorame |
sahasranāma tattulyaṃ rāmanāma varānane ||
Tap a Sanskrit word for its meaning, or any word to play from there. Space plays and pauses.