श्रवण Śravaṇa · HearStep 1 of /3
Viṣṇu Sahasranāma · Mahābhārata, Anuśāsana Parva 149
The thousand names, chanted
All 108 ślokas of names chanted in Sanskrit, without a break. Follow along in Devanāgarī or roman script; tap any name to see what it means or to jump the audio there.
Śloka 1 · The universe and its pervader
विश्वं विष्णुर्वषट्कारो भूतभव्यभवत्प्रभुः ।
भूतकृद्भूतभृद्भावो भूतात्मा भूतभावनः ॥
viśvaṃ viṣṇur vaṣaṭkāro bhūtabhavyabhavatprabhuḥ |
bhūtakṛd bhūtabhṛd bhāvo bhūtātmā bhūtabhāvanaḥ ||
Śloka 2 · The pure Self, the witness
पूतात्मा परमात्मा च मुक्तानां परमा गतिः ।
अव्ययः पुरुषः साक्षी क्षेत्रज्ञोऽक्षर एव च ॥
pūtātmā paramātmā ca muktānāṃ paramā gatiḥ |
avyayaḥ puruṣaḥ sākṣī kṣetrajño 'kṣara eva ca ||
Śloka 3 · Lord of yoga, the highest Person
योगो योगविदां नेता प्रधानपुरुषेश्वरः ।
नारसिंहवपुः श्रीमान् केशवः पुरुषोत्तमः ॥
yogo yogavidāṃ netā pradhānapuruṣeśvaraḥ |
nārasiṃhavapuḥ śrīmān keśavaḥ puruṣottamaḥ ||
Śloka 4 · The all, source and support
सर्वः शर्वः शिवः स्थाणुर्भूतादिर्निधिरव्ययः ।
सम्भवो भावनो भर्ता प्रभवः प्रभुरीश्वरः ॥
sarvaḥ śarvaḥ śivaḥ sthāṇur bhūtādir nidhir avyayaḥ |
sambhavo bhāvano bhartā prabhavaḥ prabhur īśvaraḥ ||
Śloka 5 · Self-born, beginningless sustainer
स्वयम्भूः शम्भुरादित्यः पुष्कराक्षो महास्वनः ।
अनादिनिधनो धाता विधाता धातुरुत्तमः ॥
svayambhūḥ śambhur ādityaḥ puṣkarākṣo mahāsvanaḥ |
anādinidhano dhātā vidhātā dhātur uttamaḥ ||
Śloka 6 · Immeasurable lord of the senses
अप्रमेयो हृषीकेशः पद्मनाभोऽमरप्रभुः ।
विश्वकर्मा मनुस्त्वष्टा स्थविष्ठः स्थविरो ध्रुवः ॥
aprameyo hṛṣīkeśaḥ padmanābho 'maraprabhuḥ |
viśvakarmā manus tvaṣṭā sthaviṣṭhaḥ sthaviro dhruvaḥ ||
Śloka 7 · Beyond grasp, supremely auspicious
अग्राह्यः शाश्वतः कृष्णो लोहिताक्षः प्रतर्दनः ।
प्रभूतस्त्रिककुब्धाम पवित्रं मङ्गलं परम् ॥
agrāhyaḥ śāśvataḥ kṛṣṇo lohitākṣaḥ pratardanaḥ |
prabhūtas trikakubdhāma pavitraṃ maṅgalaṃ param ||
Śloka 8 · Lord of breath and beings
ईशानः प्राणदः प्राणो ज्येष्ठः श्रेष्ठः प्रजापतिः ।
हिरण्यगर्भो भूगर्भो माधवो मधुसूदनः ॥
īśānaḥ prāṇadaḥ prāṇo jyeṣṭhaḥ śreṣṭhaḥ prajāpatiḥ |
hiraṇyagarbho bhūgarbho mādhavo madhusūdanaḥ ||
Śloka 9 · The valiant, unsurpassed one
ईश्वरो विक्रमी धन्वी मेधावी विक्रमः क्रमः ।
अनुत्तमो दुराधर्षः कृतज्ञः कृतिरात्मवान् ॥
īśvaro vikramī dhanvī medhāvī vikramaḥ kramaḥ |
anuttamo durādharṣaḥ kṛtajñaḥ kṛtir ātmavān ||
Śloka 10 · Refuge, time and consciousness
सुरेशः शरणं शर्म विश्वरेताः प्रजाभवः ।
अहः संवत्सरो व्यालः प्रत्ययः सर्वदर्शनः ॥
sureśaḥ śaraṇaṃ śarma viśvaretāḥ prajābhavaḥ |
ahaḥ saṃvatsaro vyālaḥ pratyayaḥ sarvadarśanaḥ ||
Śloka 11 · Unborn and never slipping
अजः सर्वेश्वरः सिद्धः सिद्धिः सर्वादिरच्युतः ।
वृषाकपिरमेयात्मा सर्वयोगविनिःसृतः ॥
ajaḥ sarveśvaraḥ siddhaḥ siddhiḥ sarvādir acyutaḥ |
vṛṣākapir ameyātmā sarvayogaviniḥsṛtaḥ ||
Śloka 12 · True, equal, never fruitless
वसुर्वसुमनाः सत्यः समात्माऽसम्मितः समः ।
अमोघः पुण्डरीकाक्षो वृषकर्मा वृषाकृतिः ॥
vasur vasumanāḥ satyaḥ samātmā 'sammitaḥ samaḥ |
amoghaḥ puṇḍarīkākṣo vṛṣakarmā vṛṣākṛtiḥ ||
Śloka 13 · Many-headed, deathless, pure-named
रुद्रो बहुशिरा बभ्रुर्विश्वयोनिः शुचिश्रवाः ।
अमृतः शाश्वतस्थाणुर्वरारोहो महातपाः ॥
rudro bahuśirā babhrur viśvayoniḥ śuciśravāḥ |
amṛtaḥ śāśvatasthāṇur varāroho mahātapāḥ ||
Śloka 14 · Lord of the Vedas
सर्वगः सर्वविद्भानुर्विष्वक्सेनो जनार्दनः ।
वेदो वेदविदव्यङ्गो वेदाङ्गो वेदवित् कविः ॥
sarvagaḥ sarvavidbhānur viṣvakseno janārdanaḥ |
vedo vedavid avyaṅgo vedāṅgo vedavit kaviḥ ||
Śloka 15 · Overseer, fourfold and four-armed
लोकाध्यक्षः सुराध्यक्षो धर्माध्यक्षः कृताकृतः ।
चतुरात्मा चतुर्व्यूहश्चतुर्दंष्ट्रश्चतुर्भुजः ॥
lokādhyakṣaḥ surādhyakṣo dharmādhyakṣaḥ kṛtākṛtaḥ |
caturātmā caturvyūhaś caturdaṃṣṭraś caturbhujaḥ ||
Śloka 16 · Food, enjoyer and conqueror
भ्राजिष्णुर्भोजनं भोक्ता सहिष्णुर्जगदादिजः ।
अनघो विजयो जेता विश्वयोनिः पुनर्वसुः ॥
bhrājiṣṇur bhojanaṃ bhoktā sahiṣṇur jagadādijaḥ |
anagho vijayo jetā viśvayoniḥ punarvasuḥ ||
Śloka 17 · The dwarf who grew tall
उपेन्द्रो वामनः प्रांशुरमोघः शुचिरूर्जितः ।
अतीन्द्रः सङ्ग्रहः सर्गो धृतात्मा नियमो यमः ॥
upendro vāmanaḥ prāṃśur amoghaḥ śucir ūrjitaḥ |
atīndraḥ saṅgrahaḥ sargo dhṛtātmā niyamo yamaḥ ||
Śloka 18 · Knower of all, honey-sweet
वेद्यो वैद्यः सदायोगी वीरहा माधवो मधुः ।
अतीन्द्रियो महामायो महोत्साहो महाबलः ॥
vedyo vaidyaḥ sadāyogī vīrahā mādhavo madhuḥ |
atīndriyo mahāmāyo mahotsāho mahābalaḥ ||
Śloka 19 · The great one who held mountains
महाबुद्धिर्महावीर्यो महाशक्तिर्महाद्युतिः ।
अनिर्देश्यवपुः श्रीमानमेयात्मा महाद्रिधृक् ॥
mahābuddhir mahāvīryo mahāśaktir mahādyutiḥ |
anirdeśyavapuḥ śrīmān ameyātmā mahādridhṛk ||
Śloka 20 · Refuge of the good, Govinda
महेष्वासो महीभर्ता श्रीनिवासः सतां गतिः ।
अनिरुद्धः सुरानन्दो गोविन्दो गोविदां पतिः ॥
maheṣvāso mahībhartā śrīnivāsaḥ satāṃ gatiḥ |
aniruddhaḥ surānando govindo govidāṃ patiḥ ||
Śloka 21 · Swan, serpent and lotus-navel
मरीचिर्दमनो हंसः सुपर्णो भुजगोत्तमः ।
हिरण्यनाभः सुतपाः पद्मनाभः प्रजापतिः ॥
marīcir damano haṃsaḥ suparṇo bhujagottamaḥ |
hiraṇyanābhaḥ sutapāḥ padmanābhaḥ prajāpatiḥ ||
Śloka 22 · Deathless lion who guards the gods
अमृत्युः सर्वदृक् सिंहः सन्धाता सन्धिमान् स्थिरः ।
अजो दुर्मर्षणः शास्ता विश्रुतात्मा सुरारिहा ॥
amṛtyuḥ sarvadṛk siṃhaḥ sandhātā sandhimān sthiraḥ |
ajo durmarṣaṇaḥ śāstā viśrutātmā surārihā ||
Śloka 23 · The supreme teacher and truth
गुरुर्गुरुतमो धाम सत्यः सत्यपराक्रमः ।
निमिषोऽनिमिषः स्रग्वी वाचस्पतिरुदारधीः ॥
gurur gurutamo dhāma satyaḥ satyaparākramaḥ |
nimiṣo 'nimiṣaḥ sragvī vācaspatir udāradhīḥ ||
Śloka 24 · The thousand-headed cosmic Person
अग्रणीर्ग्रामणीः श्रीमान् न्यायो नेता समीरणः ।
सहस्रमूर्धा विश्वात्मा सहस्राक्षः सहस्रपात् ॥
agraṇīr grāmaṇīḥ śrīmān nyāyo netā samīraṇaḥ |
sahasramūrdhā viśvātmā sahasrākṣaḥ sahasrapāt ||
Śloka 25 · Turner of the wheel
आवर्तनो निवृत्तात्मा संवृतः सम्प्रमर्दनः ।
अहः संवर्तको वह्निरनिलो धरणीधरः ॥
āvartano nivṛttātmā saṃvṛtaḥ sampramardanaḥ |
ahaḥ saṃvartako vahnir anilo dharaṇīdharaḥ ||
Śloka 26 · Gracious Nārāyaṇa and Nara
सुप्रसादः प्रसन्नात्मा विश्वधृग्विश्वभुग्विभुः ।
सत्कर्ता सत्कृतः साधुर्जह्नुर्नारायणो नरः ॥
suprasādaḥ prasannātmā viśvadhṛg viśvabhug vibhuḥ |
satkartā satkṛtaḥ sādhur jahnur nārāyaṇo naraḥ ||
Śloka 27 · Whose every resolve comes true
असङ्ख्येयोऽप्रमेयात्मा विशिष्टः शिष्टकृच्छुचिः ।
सिद्धार्थः सिद्धसङ्कल्पः सिद्धिदः सिद्धिसाधनः ॥
asaṅkhyeyo 'prameyātmā viśiṣṭaḥ śiṣṭakṛcchuciḥ |
siddhārthaḥ siddhasaṅkalpaḥ siddhidaḥ siddhisādhanaḥ ||
Śloka 28 · Ocean of dharma and Veda
वृषाही वृषभो विष्णुर्वृषपर्वा वृषोदरः ।
वर्धनो वर्धमानश्च विविक्तः श्रुतिसागरः ॥
vṛṣāhī vṛṣabho viṣṇur vṛṣaparvā vṛṣodaraḥ |
vardhano vardhamānaś ca viviktaḥ śrutisāgaraḥ ||
Śloka 29 · Of many forms, giver of wealth
सुभुजो दुर्धरो वाग्मी महेन्द्रो वसुदो वसुः ।
नैकरूपो बृहद्रूपः शिपिविष्टः प्रकाशनः ॥
subhujo durdharo vāgmī mahendro vasudo vasuḥ |
naikarūpo bṛhadrūpaḥ śipiviṣṭaḥ prakāśanaḥ ||
Śloka 30 · Radiant as sun and moon
ओजस्तेजोद्युतिधरः प्रकाशात्मा प्रतापनः ।
ऋद्धः स्पष्टाक्षरो मन्त्रश्चन्द्रांशुर्भास्करद्युतिः ॥
ojastejodyutidharaḥ prakāśātmā pratāpanaḥ |
ṛddhaḥ spaṣṭākṣaro mantraś candrāṃśur bhāskaradyutiḥ ||
Śloka 31 · Moon, medicine and bridge
अमृतांशूद्भवो भानुः शशबिन्दुः सुरेश्वरः ।
औषधं जगतः सेतुः सत्यधर्मपराक्रमः ॥
amṛtāṃśūdbhavo bhānuḥ śaśabinduḥ sureśvaraḥ |
auṣadhaṃ jagataḥ setuḥ satyadharmaparākramaḥ ||
Śloka 32 · Lord of desire and its ending
भूतभव्यभवन्नाथः पवनः पावनोऽनलः ।
कामहा कामकृत्कान्तः कामः कामप्रदः प्रभुः ॥
bhūtabhavyabhavannāthaḥ pavanaḥ pāvano 'nalaḥ |
kāmahā kāmakṛt kāntaḥ kāmaḥ kāmapradaḥ prabhuḥ ||
Śloka 33 · Turner of the ages
युगादिकृद्युगावर्तो नैकमायो महाशनः ।
अदृश्यो व्यक्तरूपश्च सहस्रजिदनन्तजित् ॥
yugādikṛd yugāvarto naikamāyo mahāśanaḥ |
adṛśyo vyaktarūpaś ca sahasrajid anantajit ||
Śloka 34 · The beloved, with arms everywhere
इष्टोऽविशिष्टः शिष्टेष्टः शिखण्डी नहुषो वृषः ।
क्रोधहा क्रोधकृत्कर्ता विश्वबाहुर्महीधरः ॥
iṣṭo 'viśiṣṭaḥ śiṣṭeṣṭaḥ śikhaṇḍī nahuṣo vṛṣaḥ |
krodhahā krodhakṛt kartā viśvabāhur mahīdharaḥ ||
Śloka 35 · The unfailing ground of all
अच्युतः प्रथितः प्राणः प्राणदो वासवानुजः ।
अपांनिधिरधिष्ठानमप्रमत्तः प्रतिष्ठितः ॥
acyutaḥ prathitaḥ prāṇaḥ prāṇado vāsavānujaḥ |
apāṃnidhir adhiṣṭhānam apramattaḥ pratiṣṭhitaḥ ||
Śloka 36 · Vāsudeva, dweller in all
स्कन्दः स्कन्दधरो धुर्यो वरदो वायुवाहनः ।
वासुदेवो बृहद्भानुरादिदेवः पुरन्दरः ॥
skandaḥ skandadharo dhuryo varado vāyuvāhanaḥ |
vāsudevo bṛhadbhānur ādidevaḥ purandaraḥ ||
Śloka 37 · The friend who ferries us across
अशोकस्तारणस्तारः शूरः शौरिर्जनेश्वरः ।
अनुकूलः शतावर्तः पद्मी पद्मनिभेक्षणः ॥
aśokas tāraṇas tāraḥ śūraḥ śaurir janeśvaraḥ |
anukūlaḥ śatāvartaḥ padmī padmanibhekṣaṇaḥ ||
Śloka 38 · Lotus-eyed, with Garuḍa's banner
पद्मनाभोऽरविन्दाक्षः पद्मगर्भः शरीरभृत् ।
महर्द्धिरृद्धो वृद्धात्मा महाक्षो गरुडध्वजः ॥
padmanābho 'ravindākṣaḥ padmagarbhaḥ śarīrabhṛt |
maharddhir ṛddho vṛddhātmā mahākṣo garuḍadhvajaḥ ||
Śloka 39 · The incomparable, known by every proof
अतुलः शरभो भीमः समयज्ञो हविर्हरिः ।
सर्वलक्षणलक्षण्यो लक्ष्मीवान् समितिञ्जयः ॥
atulaḥ śarabho bhīmaḥ samayajño havirhariḥ |
sarvalakṣaṇalakṣaṇyo lakṣmīvān samitiñjayaḥ ||
Śloka 40 · Dāmodara, the path and the cause
विक्षरो रोहितो मार्गो हेतुर्दामोदरः सहः ।
महीधरो महाभागो वेगवानमिताशनः ॥
vikṣaro rohito mārgo hetur dāmodaraḥ sahaḥ |
mahīdharo mahābhāgo vegavān amitāśanaḥ ||
Śloka 41 · Origin, cause and hidden one
उद्भवः क्षोभणो देवः श्रीगर्भः परमेश्वरः ।
करणं कारणं कर्ता विकर्ता गहनो गुहः ॥
udbhavaḥ kṣobhaṇo devaḥ śrīgarbhaḥ parameśvaraḥ |
karaṇaṃ kāraṇaṃ kartā vikartā gahano guhaḥ ||
Śloka 42 · The firm one of auspicious glance
व्यवसायो व्यवस्थानः संस्थानः स्थानदो ध्रुवः ।
परर्द्धिः परमस्पष्टस्तुष्टः पुष्टः शुभेक्षणः ॥
vyavasāyo vyavasthānaḥ saṃsthānaḥ sthānado dhruvaḥ |
pararddhiḥ paramaspaṣṭas tuṣṭaḥ puṣṭaḥ śubhekṣaṇaḥ ||
Śloka 43 · Rāma, the way and the leader
रामो विरामो विरजो मार्गो नेयो नयोऽनयः ।
वीरः शक्तिमतां श्रेष्ठो धर्मो धर्मविदुत्तमः ॥
rāmo virāmo virajo mārgo neyo nayo 'nayaḥ |
vīraḥ śaktimatāṃ śreṣṭho dharmo dharmaviduttamaḥ ||
Śloka 44 · Vaikuṇṭha, binder of the elements
वैकुण्ठः पुरुषः प्राणः प्राणदः प्रणवः पृथुः ।
हिरण्यगर्भः शत्रुघ्नो व्याप्तो वायुरधोक्षजः ॥
vaikuṇṭhaḥ puruṣaḥ prāṇaḥ prāṇadaḥ praṇavaḥ pṛthuḥ |
hiraṇyagarbhaḥ śatrughno vyāpto vāyur adhokṣajaḥ ||
Śloka 45 · Time, seasons and rest
ऋतुः सुदर्शनः कालः परमेष्ठी परिग्रहः ।
उग्रः संवत्सरो दक्षो विश्रामो विश्वदक्षिणः ॥
ṛtuḥ sudarśanaḥ kālaḥ parameṣṭhī parigrahaḥ |
ugraḥ saṃvatsaro dakṣo viśrāmo viśvadakṣiṇaḥ ||
Śloka 46 · The imperishable seed
विस्तारः स्थावरस्थाणुः प्रमाणं बीजमव्ययम् ।
अर्थोऽनर्थो महाकोशो महाभोगो महाधनः ॥
vistāraḥ sthāvarasthāṇuḥ pramāṇaṃ bījam avyayam |
artho 'nartho mahākośo mahābhogo mahādhanaḥ ||
Śloka 47 · Hub of the starry wheel
अनिर्विण्णः स्थविष्ठोऽभूर्धर्मयूपो महामखः ।
नक्षत्रनेमिर्नक्षत्री क्षमः क्षामः समीहनः ॥
anirviṇṇaḥ sthaviṣṭho 'bhūr dharmayūpo mahāmakhaḥ |
nakṣatranemir nakṣatrī kṣamaḥ kṣāmaḥ samīhanaḥ ||
Śloka 48 · Sacrifice and supreme knowledge
यज्ञ इज्यो महेज्यश्च क्रतुः सत्रं सतां गतिः ।
सर्वदर्शी विमुक्तात्मा सर्वज्ञो ज्ञानमुत्तमम् ॥
yajña ijyo mahejyaś ca kratuḥ satraṃ satāṃ gatiḥ |
sarvadarśī vimuktātmā sarvajño jñānam uttamam ||
Śloka 49 · The friend with the lovely face
सुव्रतः सुमुखः सूक्ष्मः सुघोषः सुखदः सुहृत् ।
मनोहरो जितक्रोधो वीरबाहुर्विदारणः ॥
suvrataḥ sumukhaḥ sūkṣmaḥ sughoṣaḥ sukhadaḥ suhṛt |
manoharo jitakrodho vīrabāhur vidāraṇaḥ ||
Śloka 50 · Tender father of all beings
स्वापनः स्ववशो व्यापी नैकात्मा नैककर्मकृत् ।
वत्सरो वत्सलो वत्सी रत्नगर्भो धनेश्वरः ॥
svāpanaḥ svavaśo vyāpī naikātmā naikakarmakṛt |
vatsaro vatsalo vatsī ratnagarbho dhaneśvaraḥ ||
Śloka 51 · Real and unreal, perishable and not
धर्मगुब्धर्मकृद्धर्मी सदसत्क्षरमक्षरम् ।
अविज्ञाता सहस्रांशुर्विधाता कृतलक्षणः ॥
dharmagub dharmakṛd dharmī sad asat kṣaram akṣaram |
avijñātā sahasrāṃśur vidhātā kṛtalakṣaṇaḥ ||
Śloka 52 · The great god, lion among beings
गभस्तिनेमिः सत्त्वस्थः सिंहो भूतमहेश्वरः ।
आदिदेवो महादेवो देवेशो देवभृद्गुरुः ॥
gabhastinemiḥ sattvasthaḥ siṃho bhūtamaheśvaraḥ |
ādidevo mahādevo deveśo devabhṛdguruḥ ||
Śloka 53 · The ancient protector, known by wisdom
उत्तरो गोपतिर्गोप्ता ज्ञानगम्यः पुरातनः ।
शरीरभूतभृद्भोक्ता कपीन्द्रो भूरिदक्षिणः ॥
uttaro gopatir goptā jñānagamyaḥ purātanaḥ |
śarīrabhūtabhṛd bhoktā kapīndro bhūridakṣiṇaḥ ||
Śloka 54 · Drinker of nectar, true to his word
सोमपोऽमृतपः सोमः पुरुजित्पुरुसत्तमः ।
विनयो जयः सत्यसन्धो दाशार्हः सात्वताम्पतिः ॥
somapo 'mṛtapaḥ somaḥ purujit purusattamaḥ |
vinayo jayaḥ satyasandho dāśārhaḥ sātvatāmpatiḥ ||
Śloka 55 · The witness who gives freedom
जीवो विनयिता साक्षी मुकुन्दोऽमितविक्रमः ।
अम्भोनिधिरनन्तात्मा महोदधिशयोऽन्तकः ॥
jīvo vinayitā sākṣī mukundo 'mitavikramaḥ |
ambhonidhir anantātmā mahodadhiśayo 'ntakaḥ ||
Śloka 56 · Bliss and the three strides
अजो महार्हः स्वाभाव्यो जितामित्रः प्रमोदनः ।
आनन्दो नन्दनो नन्दः सत्यधर्मा त्रिविक्रमः ॥
ajo mahārhaḥ svābhāvyo jitāmitraḥ pramodanaḥ |
ānando nandano nandaḥ satyadharmā trivikramaḥ ||
Śloka 57 · Kapila the seer, and the great fish
महर्षिः कपिलाचार्यः कृतज्ञो मेदिनीपतिः ।
त्रिपदस्त्रिदशाध्यक्षो महाशृङ्गः कृतान्तकृत् ॥
maharṣiḥ kapilācāryaḥ kṛtajño medinīpatiḥ |
tripadas tridaśādhyakṣo mahāśṛṅgaḥ kṛtāntakṛt ||
Śloka 58 · Govinda, the hidden one
महावराहो गोविन्दः सुषेणः कनकाङ्गदी ।
गुह्यो गभीरो गहनो गुप्तश्चक्रगदाधरः ॥
mahāvarāho govindaḥ suṣeṇaḥ kanakāṅgadī |
guhyo gabhīro gahano guptaś cakragadādharaḥ ||
Śloka 59 · Kṛṣṇa, the tree of heaven
वेधाः स्वाङ्गोऽजितः कृष्णो दृढः सङ्कर्षणोऽच्युतः ।
वरुणो वारुणो वृक्षः पुष्कराक्षो महामनाः ॥
vedhāḥ svāṅgo 'jitaḥ kṛṣṇo dṛḍhaḥ saṅkarṣaṇo 'cyutaḥ |
varuṇo vāruṇo vṛkṣaḥ puṣkarākṣo mahāmanāḥ ||
Śloka 60 · Bhagavān with the forest garland
भगवान् भगहाऽऽनन्दी वनमाली हलायुधः ।
आदित्यो ज्योतिरादित्यः सहिष्णुर्गतिसत्तमः ॥
bhagavān bhagahā ''nandī vanamālī halāyudhaḥ |
ādityo jyotirādityaḥ sahiṣṇur gatisattamaḥ ||
Śloka 61 · The archer, the axe and Vyāsa
सुधन्वा खण्डपरशुर्दारुणो द्रविणप्रदः ।
दिवस्पृक् सर्वदृग्व्यासो वाचस्पतिरयोनिजः ॥
sudhanvā khaṇḍaparaśur dāruṇo draviṇapradaḥ |
divaspṛk sarvadṛgvyāso vācaspatir ayonijaḥ ||
Śloka 62 · The healer and the peace
त्रिसामा सामगः साम निर्वाणं भेषजं भिषक् ।
संन्यासकृच्छमः शान्तो निष्ठा शान्तिः परायणम् ॥
trisāmā sāmagaḥ sāma nirvāṇaṃ bheṣajaṃ bhiṣak |
saṃnyāsakṛc chamaḥ śānto niṣṭhā śāntiḥ parāyaṇam ||
Śloka 63 · Friend of the cows and earth
शुभाङ्गः शान्तिदः स्रष्टा कुमुदः कुवलेशयः ।
गोहितो गोपतिर्गोप्ता वृषभाक्षो वृषप्रियः ॥
śubhāṅgaḥ śāntidaḥ sraṣṭā kumudaḥ kuvaleśayaḥ |
gohito gopatir goptā vṛṣabhākṣo vṛṣapriyaḥ ||
Śloka 64 · The lord of Śrī
अनिवर्ती निवृत्तात्मा सङ्क्षेप्ता क्षेमकृच्छिवः ।
श्रीवत्सवक्षाः श्रीवासः श्रीपतिः श्रीमतांवरः ॥
anivartī nivṛttātmā saṅkṣeptā kṣemakṛc chivaḥ |
śrīvatsavakṣāḥ śrīvāsaḥ śrīpatiḥ śrīmatāṃ varaḥ ||
Śloka 65 · Giver and home of Śrī
श्रीदः श्रीशः श्रीनिवासः श्रीनिधिः श्रीविभावनः ।
श्रीधरः श्रीकरः श्रेयः श्रीमाँल्लोकत्रयाश्रयः ॥
śrīdaḥ śrīśaḥ śrīnivāsaḥ śrīnidhiḥ śrīvibhāvanaḥ |
śrīdharaḥ śrīkaraḥ śreyaḥ śrīmām̐l lokatrayāśrayaḥ ||
Śloka 66 · Bliss and the lord of lights
स्वक्षः स्वङ्गः शतानन्दो नन्दिर्ज्योतिर्गणेश्वरः ।
विजितात्माऽविधेयात्मा सत्कीर्तिश्छिन्नसंशयः ॥
svakṣaḥ svaṅgaḥ śatānando nandir jyotirgaṇeśvaraḥ |
vijitātmā 'vidheyātmā satkīrtiś chinnasaṃśayaḥ ||
Śloka 67 · The one who ends grief
उदीर्णः सर्वतश्चक्षुरनीशः शाश्वतस्थिरः ।
भूशयो भूषणो भूतिर्विशोकः शोकनाशनः ॥
udīrṇaḥ sarvataścakṣur anīśaḥ śāśvatasthiraḥ |
bhūśayo bhūṣaṇo bhūtir viśokaḥ śokanāśanaḥ ||
Śloka 68 · Radiant, pure and unrivalled
अर्चिष्मानर्चितः कुम्भो विशुद्धात्मा विशोधनः ।
अनिरुद्धोऽप्रतिरथः प्रद्युम्नोऽमितविक्रमः ॥
arciṣmān arcitaḥ kumbho viśuddhātmā viśodhanaḥ |
aniruddho 'pratirathaḥ pradyumno 'mitavikramaḥ ||
Śloka 69 · Keśava, slayer of demons
कालनेमिनिहा वीरः शौरिः शूरजनेश्वरः ।
त्रिलोकात्मा त्रिलोकेशः केशवः केशिहा हरिः ॥
kālaneminihā vīraḥ śauriḥ śūrajaneśvaraḥ |
trilokātmā trilokeśaḥ keśavaḥ keśihā hariḥ ||
Śloka 70 · The desired and the endless
कामदेवः कामपालः कामी कान्तः कृतागमः ।
अनिर्देश्यवपुर्विष्णुर्वीरोऽनन्तो धनञ्जयः ॥
kāmadevaḥ kāmapālaḥ kāmī kāntaḥ kṛtāgamaḥ |
anirdeśyavapur viṣṇur vīro 'nanto dhanañjayaḥ ||
Śloka 71 · He who is Brahman
ब्रह्मण्यो ब्रह्मकृद् ब्रह्मा ब्रह्म ब्रह्मविवर्धनः ।
ब्रह्मविद् ब्राह्मणो ब्रह्मी ब्रह्मज्ञो ब्राह्मणप्रियः ॥
brahmaṇyo brahmakṛd brahmā brahma brahmavivardhanaḥ |
brahmavid brāhmaṇo brahmī brahmajño brāhmaṇapriyaḥ ||
Śloka 72 · The great sacrifice
महाक्रमो महाकर्मा महातेजा महोरगः ।
महाक्रतुर्महायज्वा महायज्ञो महाहविः ॥
mahākramo mahākarmā mahātejā mahoragaḥ |
mahākratur mahāyajvā mahāyajño mahāhaviḥ ||
Śloka 73 · He is the hymn itself
स्तव्यः स्तवप्रियः स्तोत्रं स्तुतिः स्तोता रणप्रियः ।
पूर्णः पूरयिता पुण्यः पुण्यकीर्तिरनामयः ॥
stavyaḥ stavapriyaḥ stotraṃ stutiḥ stotā raṇapriyaḥ |
pūrṇaḥ pūrayitā puṇyaḥ puṇyakīrtir anāmayaḥ ||
Śloka 74 · Swift as the mind
मनोजवस्तीर्थकरो वसुरेता वसुप्रदः ।
वसुप्रदो वासुदेवो वसुर्वसुमना हविः ॥
manojavas tīrthakaro vasuretā vasupradaḥ |
vasuprado vāsudevo vasur vasumanā haviḥ ||
Śloka 75 · Pure being, best of the Yadus
सद्गतिः सत्कृतिः सत्ता सद्भूतिः सत्परायणः ।
शूरसेनो यदुश्रेष्ठः सन्निवासः सुयामुनः ॥
sadgatiḥ satkṛtiḥ sattā sadbhūtiḥ satparāyaṇaḥ |
śūraseno yaduśreṣṭhaḥ sannivāsaḥ suyāmunaḥ ||
Śloka 76 · Home of beings, tamer of pride
भूतावासो वासुदेवः सर्वासुनिलयोऽनलः ।
दर्पहा दर्पदो दृप्तो दुर्धरोऽथापराजितः ॥
bhūtāvāso vāsudevaḥ sarvāsunilayo 'nalaḥ |
darpahā darpado dṛpto durdharo 'thāparājitaḥ ||
Śloka 77 · Of countless forms
विश्वमूर्तिर्महामूर्तिर्दीप्तमूर्तिरमूर्तिमान् ।
अनेकमूर्तिरव्यक्तः शतमूर्तिः शताननः ॥
viśvamūrtir mahāmūrtir dīptamūrtir amūrtimān |
anekamūrtir avyaktaḥ śatamūrtiḥ śatānanaḥ ||
Śloka 78 · One, many, and That
एको नैकः सवः कः किं यत् तत्पदमनुत्तमम् ।
लोकबन्धुर्लोकनाथो माधवो भक्तवत्सलः ॥
eko naikaḥ savaḥ kaḥ kiṃ yat tat padam anuttamam |
lokabandhur lokanātho mādhavo bhaktavatsalaḥ ||
Śloka 79 · The golden one, still and moving
सुवर्णवर्णो हेमाङ्गो वराङ्गश्चन्दनाङ्गदी ।
वीरहा विषमः शून्यो घृताशीरचलश्चलः ॥
suvarṇavarṇo hemāṅgo varāṅgaś candanāṅgadī |
vīrahā viṣamaḥ śūnyo ghṛtāśīr acalaś calaḥ ||
Śloka 80 · Without pride, giver of honour
अमानी मानदो मान्यो लोकस्वामी त्रिलोकधृक् ।
सुमेधा मेधजो धन्यः सत्यमेधा धराधरः ॥
amānī mānado mānyo lokasvāmī trilokadhṛk |
sumedhā medhajo dhanyaḥ satyamedhā dharādharaḥ ||
Śloka 81 · Bearer of radiance and weapons
तेजोवृषो द्युतिधरः सर्वशस्त्रभृतां वरः ।
प्रग्रहो निग्रहो व्यग्रो नैकशृङ्गो गदाग्रजः ॥
tejovṛṣo dyutidharaḥ sarvaśastrabhṛtāṃ varaḥ |
pragraho nigraho vyagro naikaśṛṅgo gadāgrajaḥ ||
Śloka 82 · The fourfold lord
चतुर्मूर्तिश्चतुर्बाहुश्चतुर्व्यूहश्चतुर्गतिः ।
चतुरात्मा चतुर्भावश्चतुर्वेदविदेकपात् ॥
caturmūrtiś caturbāhuś caturvyūhaś caturgatiḥ |
caturātmā caturbhāvaś caturvedavid ekapāt ||
Śloka 83 · Hard to reach, hard to hold
समावर्तोऽनिवृत्तात्मा दुर्जयो दुरतिक्रमः ।
दुर्लभो दुर्गमो दुर्गो दुरावासो दुरारिहा ॥
samāvarto 'nivṛttātmā durjayo duratikramaḥ |
durlabho durgamo durgo durāvāso durārihā ||
Śloka 84 · The thread of the universe
शुभाङ्गो लोकसारङ्गः सुतन्तुस्तन्तुवर्धनः ।
इन्द्रकर्मा महाकर्मा कृतकर्मा कृतागमः ॥
śubhāṅgo lokasāraṅgaḥ sutantus tantuvardhanaḥ |
indrakarmā mahākarmā kṛtakarmā kṛtāgamaḥ ||
Śloka 85 · Beautiful, merciful, victorious
उद्भवः सुन्दरः सुन्दो रत्ननाभः सुलोचनः ।
अर्को वाजसनः शृङ्गी जयन्तः सर्वविज्जयी ॥
udbhavaḥ sundaraḥ sundo ratnanābhaḥ sulocanaḥ |
arko vājasanaḥ śṛṅgī jayantaḥ sarvavijjayī ||
Śloka 86 · The great lake of bliss
सुवर्णबिन्दुरक्षोभ्यः सर्ववागीश्वरेश्वरः ।
महाह्रदो महागर्तो महाभूतो महानिधिः ॥
suvarṇabindur akṣobhyaḥ sarvavāgīśvareśvaraḥ |
mahāhrado mahāgarto mahābhūto mahānidhiḥ ||
Śloka 87 · The rain cloud and the nectar
कुमुदः कुन्दरः कुन्दः पर्जन्यः पावनोऽनिलः ।
अमृताशोऽमृतवपुः सर्वज्ञः सर्वतोमुखः ॥
kumudaḥ kundaraḥ kundaḥ parjanyaḥ pāvano 'nilaḥ |
amṛtāśo 'mṛtavapuḥ sarvajñaḥ sarvatomukhaḥ ||
Śloka 88 · Easy to reach, the sacred trees
सुलभः सुव्रतः सिद्धः शत्रुजिच्छत्रुतापनः ।
न्यग्रोधोऽदुम्बरोऽश्वत्थश्चाणूरान्ध्रनिषूदनः ॥
sulabhaḥ suvrataḥ siddhaḥ śatrujic chatrutāpanaḥ |
nyagrodho 'dumbaro 'śvatthaś cāṇūrāndhraniṣūdanaḥ ||
Śloka 89 · Fire, sun, and the end of fear
सहस्रार्चिः सप्तजिह्वः सप्तैधाः सप्तवाहनः ।
अमूर्तिरनघोऽचिन्त्यो भयकृद्भयनाशनः ॥
sahasrārciḥ saptajihvaḥ saptaidhāḥ saptavāhanaḥ |
amūrtir anagho 'cintyo bhayakṛd bhayanāśanaḥ ||
Śloka 90 · Smallest and greatest
अणुर्बृहत्कृशः स्थूलो गुणभृन्निर्गुणो महान् ।
अधृतः स्वधृतः स्वास्यः प्राग्वंशो वंशवर्धनः ॥
aṇur bṛhat kṛśaḥ sthūlo guṇabhṛn nirguṇo mahān |
adhṛtaḥ svadhṛtaḥ svāsyaḥ prāgvaṃśo vaṃśavardhanaḥ ||
Śloka 91 · Bearer of the world, lord of yogīs
भारभृत् कथितो योगी योगीशः सर्वकामदः ।
आश्रमः श्रमणः क्षामः सुपर्णो वायुवाहनः ॥
bhārabhṛt kathito yogī yogīśaḥ sarvakāmadaḥ |
āśramaḥ śramaṇaḥ kṣāmaḥ suparṇo vāyuvāhanaḥ ||
Śloka 92 · The archer who rules all
धनुर्धरो धनुर्वेदो दण्डो दमयिता दमः ।
अपराजितः सर्वसहो नियन्ताऽनियमोऽयमः ॥
dhanurdharo dhanurvedo daṇḍo damayitā damaḥ |
aparājitaḥ sarvasaho niyantā 'niyamo 'yamaḥ ||
Śloka 93 · Pure, true and dearly loved
सत्त्ववान् सात्त्विकः सत्यः सत्यधर्मपरायणः ।
अभिप्रायः प्रियार्होऽर्हः प्रियकृत् प्रीतिवर्धनः ॥
sattvavān sāttvikaḥ satyaḥ satyadharmaparāyaṇaḥ |
abhiprāyaḥ priyārho 'rhaḥ priyakṛt prītivardhanaḥ ||
Śloka 94 · The light of the sky
विहायसगतिर्ज्योतिः सुरुचिर्हुतभुग्विभुः ।
रविर्विरोचनः सूर्यः सविता रविलोचनः ॥
vihāyasagatir jyotiḥ surucir hutabhug vibhuḥ |
ravir virocanaḥ sūryaḥ savitā ravilocanaḥ ||
Śloka 95 · Endless, forgiving and wonderful
अनन्तो हुतभुग्भोक्ता सुखदो नैकजोऽग्रजः ।
अनिर्विण्णः सदामर्षी लोकाधिष्ठानमद्भुतः ॥
ananto hutabhug bhoktā sukhado naikajo 'grajaḥ |
anirviṇṇaḥ sadāmarṣī lokādhiṣṭhānam adbhutaḥ ||
Śloka 96 · The ancient one, all auspiciousness
सनात्सनातनतमः कपिलः कपिरव्ययः ।
स्वस्तिदः स्वस्तिकृत्स्वस्ति स्वस्तिभुक्स्वस्तिदक्षिणः ॥
sanāt sanātanatamaḥ kapilaḥ kapir avyayaḥ |
svastidaḥ svastikṛt svasti svastibhuk svastidakṣiṇaḥ ||
Śloka 97 · Beyond words, cool as dew
अरौद्रः कुण्डली चक्री विक्रम्यूर्जितशासनः ।
शब्दातिगः शब्दसहः शिशिरः शर्वरीकरः ॥
araudraḥ kuṇḍalī cakrī vikramyūrjitaśāsanaḥ |
śabdātigaḥ śabdasahaḥ śiśiraḥ śarvarīkaraḥ ||
Śloka 98 · Gentle, patient and wise
अक्रूरः पेशलो दक्षो दक्षिणः क्षमिणांवरः ।
विद्वत्तमो वीतभयः पुण्यश्रवणकीर्तनः ॥
akrūraḥ peśalo dakṣo dakṣiṇaḥ kṣamiṇāṃ varaḥ |
vidvattamo vītabhayaḥ puṇyaśravaṇakīrtanaḥ ||
Śloka 99 · The rescuer and protector
उत्तारणो दुष्कृतिहा पुण्यो दुःस्वप्ननाशनः ।
वीरहा रक्षणः सन्तो जीवनः पर्यवस्थितः ॥
uttāraṇo duṣkṛtihā puṇyo duḥsvapnanāśanaḥ |
vīrahā rakṣaṇaḥ santo jīvanaḥ paryavasthitaḥ ||
Śloka 100 · Endless forms, fathomless depth
अनन्तरूपोऽनन्तश्रीर्जितमन्युर्भयापहः ।
चतुरश्रो गभीरात्मा विदिशो व्यादिशो दिशः ॥
anantarūpo 'nantaśrīr jitamanyur bhayāpahaḥ |
caturaśro gabhīrātmā vidiśo vyādiśo diśaḥ ||
Śloka 101 · Beginningless source of all birth
अनादिर्भूर्भुवो लक्ष्मीः सुवीरो रुचिराङ्गदः ।
जननो जनजन्मादिर्भीमो भीमपराक्रमः ॥
anādir bhūrbhuvo lakṣmīḥ suvīro rucirāṅgadaḥ |
janano janajanmādir bhīmo bhīmaparākramaḥ ||
Śloka 102 · The ever-awake blossoming Lord
आधारनिलयोऽधाता पुष्पहासः प्रजागरः ।
ऊर्ध्वगः सत्पथाचारः प्राणदः प्रणवः पणः ॥
ādhāranilayo 'dhātā puṣpahāsaḥ prajāgaraḥ |
ūrdhvagaḥ satpathācāraḥ prāṇadaḥ praṇavaḥ paṇaḥ ||
Śloka 103 · Life of all life, the one Self
प्रमाणं प्राणनिलयः प्राणभृत्प्राणजीवनः ।
तत्त्वं तत्त्वविदेकात्मा जन्ममृत्युजरातिगः ॥
pramāṇaṃ prāṇanilayaḥ prāṇabhṛt prāṇajīvanaḥ |
tattvaṃ tattvavid ekātmā janmamṛtyujarātigaḥ ||
Śloka 104 · The Lord who is sacrifice
भूर्भुवःस्वस्तरुस्तारः सविता प्रपितामहः ।
यज्ञो यज्ञपतिर्यज्वा यज्ञाङ्गो यज्ञवाहनः ॥
bhūrbhuvaḥsvastarus tāraḥ savitā prapitāmahaḥ |
yajño yajñapatir yajvā yajñāṅgo yajñavāhanaḥ ||
Śloka 105 · Sacrifice, food and eater
यज्ञभृद् यज्ञकृद् यज्ञी यज्ञभुग् यज्ञसाधनः ।
यज्ञान्तकृद् यज्ञगुह्यमन्नमन्नाद एव च ॥
yajñabhṛd yajñakṛd yajñī yajñabhug yajñasādhanaḥ |
yajñāntakṛd yajñaguhyam annam annāda eva ca ||
Śloka 106 · Self-born son of Devakī
आत्मयोनिः स्वयञ्जातो वैखानः सामगायनः ।
देवकीनन्दनः स्रष्टा क्षितीशः पापनाशनः ॥
ātmayoniḥ svayañjāto vaikhānaḥ sāmagāyanaḥ |
devakīnandanaḥ sraṣṭā kṣitīśaḥ pāpanāśanaḥ ||
Śloka 107 · The Lord and his weapons
शङ्खभृन्नन्दकी चक्री शार्ङ्गधन्वा गदाधरः ।
रथाङ्गपाणिरक्षोभ्यः सर्वप्रहरणायुधः ॥
śaṅkhabhṛn nandakī cakrī śārṅgadhanvā gadādharaḥ |
rathāṅgapāṇir akṣobhyaḥ sarvapraharaṇāyudhaḥ ||
Śloka 108 · Closing prayer for protection
वनमाली गदी शार्ङ्गी शङ्खी चक्री च नन्दकी ।
श्रीमान् नारायणो विष्णुर्वासुदेवोऽभिरक्षतु ॥
vanamālī gadī śārṅgī śaṅkhī cakrī ca nandakī |
śrīmān nārāyaṇo viṣṇur vāsudevo 'bhirakṣatu ||
Tap a Sanskrit word for its meaning, or any word to play from there. Space plays and pauses.