श्रवण Śravaṇa · HearStep 2 of /3
Viṣṇu Sahasranāma · Mahābhārata, Anuśāsana Parva 149
Bhīṣma's preface, chanted
The thirteen verses in which Yudhiṣṭhira asks his questions and Bhīṣma begins to answer, chanted in Sanskrit.
Pūrvabhāga 7 · Yudhiṣṭhira turns to Bhīṣma
श्रुत्वा धर्मानशेषेण पावनानि च सर्वशः ।
युधिष्ठिरः शान्तनवं पुनरेवाभ्यभाषत ॥
śrutvā dharmān aśeṣeṇa pāvanāni ca sarvaśaḥ |
yudhiṣṭhiraḥ śāntanavaṃ punar evābhyabhāṣata ||
Pūrvabhāga 8 · Who is the one God?
किमेकं दैवतं लोके किं वाप्येकं परायणम् ।
स्तुवन्तः कं कमर्चन्तः प्राप्नुयुर्मानवाः शुभम् ॥
kim ekaṃ daivataṃ loke kiṃ vāpy ekaṃ parāyaṇam |
stuvantaḥ kaṃ kam arcantaḥ prāpnuyur mānavāḥ śubham ||
Pūrvabhāga 9 · What sets us free?
को धर्मः सर्वधर्माणां भवतः परमो मतः ।
किं जपन्मुच्यते जन्तुर्जन्मसंसारबन्धनात् ॥
ko dharmaḥ sarvadharmāṇāṃ bhavataḥ paramo mataḥ |
kiṃ japan mucyate jantur janmasaṃsārabandhanāt ||
Pūrvabhāga 10 · Praise him with a thousand names
जगत्प्रभुं देवदेवमनन्तं पुरुषोत्तमम् ।
स्तुवन् नामसहस्रेण पुरुषः सततोत्थितः ॥
jagatprabhuṃ devadevam anantaṃ puruṣottamam |
stuvan nāmasahasreṇa puruṣaḥ satatotthitaḥ ||
Pūrvabhāga 11 · Worship, meditate, bow
तमेव चार्चयन्नित्यं भक्त्या पुरुषमव्ययम् ।
ध्यायन् स्तुवन् नमस्यंश्च यजमानस्तमेव च ॥
tam eva cārcayan nityaṃ bhaktyā puruṣam avyayam |
dhyāyan stuvan namasyaṃś ca yajamānas tam eva ca ||
Pūrvabhāga 12 · Beyond all sorrow
अनादिनिधनं विष्णुं सर्वलोकमहेश्वरम् ।
लोकाध्यक्षं स्तुवन्नित्यं सर्वदुःखातिगो भवेत् ॥
anādinidhanaṃ viṣṇuṃ sarvalokamaheśvaram |
lokādhyakṣaṃ stuvan nityaṃ sarvaduḥkhātigo bhavet ||
Pūrvabhāga 13 · Source of every being
ब्रह्मण्यं सर्वधर्मज्ञं लोकानां कीर्तिवर्धनम् ।
लोकनाथं महद्भूतं सर्वभूतभवोद्भवम् ॥
brahmaṇyaṃ sarvadharmajñaṃ lokānāṃ kīrtivardhanam |
lokanāthaṃ mahadbhūtaṃ sarvabhūtabhavodbhavam ||
Pūrvabhāga 14 · The highest dharma
एष मे सर्वधर्माणां धर्मोऽधिकतमो मतः ।
यद्भक्त्या पुण्डरीकाक्षं स्तवैरर्चेन्नरः सदा ॥
eṣa me sarvadharmāṇāṃ dharmo 'dhikatamo mataḥ |
yad bhaktyā puṇḍarīkākṣaṃ stavair arcen naraḥ sadā ||
Pūrvabhāga 15 · The supreme goal
परमं यो महत्तेजः परमं यो महत्तपः ।
परमं यो महद्ब्रह्म परमं यः परायणम् ॥
paramaṃ yo mahat tejaḥ paramaṃ yo mahat tapaḥ |
paramaṃ yo mahad brahma paramaṃ yaḥ parāyaṇam ||
Pūrvabhāga 16 · Father of all beings
पवित्राणां पवित्रं यो मङ्गलानां च मङ्गलम् ।
दैवतं देवतानां च भूतानां योऽव्ययः पिता ॥
pavitrāṇāṃ pavitraṃ yo maṅgalānāṃ ca maṅgalam |
daivataṃ devatānāṃ ca bhūtānāṃ yo 'vyayaḥ pitā ||
Pūrvabhāga 17 · All arise from him
यतः सर्वाणि भूतानि भवन्त्यादियुगागमे ।
यस्मिंश्च प्रलयं यान्ति पुनरेव युगक्षये ॥
yataḥ sarvāṇi bhūtāni bhavanty ādiyugāgame |
yasmiṃś ca pralayaṃ yānti punar eva yugakṣaye ||
Pūrvabhāga 18 · Hear the thousand names
तस्य लोकप्रधानस्य जगन्नाथस्य भूपते ।
विष्णोर्नामसहस्रं मे शृणु पापभयापहम् ॥
tasya lokapradhānasya jagannāthasya bhūpate |
viṣṇor nāmasahasraṃ me śṛṇu pāpabhayāpaham ||
Pūrvabhāga 19 · Names born of his qualities
यानि नामानि गौणानि विख्यातानि महात्मनः ।
ऋषिभिः परिगीतानि तानि वक्ष्यामि भूतये ॥
yāni nāmāni gauṇāni vikhyātāni mahātmanaḥ |
ṛṣibhiḥ parigītāni tāni vakṣyāmi bhūtaye ||
Tap a Sanskrit word for its meaning, or any word to play from there. Space plays and pauses.